Aavin Important Announcement 2025
ஆவின் என்பது தமிழ்நாடு கூட்டுறவு பால் உற்பத்தியாளர்கள் கூட்டமைப்பு லிமிடெட் (TNCMPFL) இயக்கும் ஒரு முக்கிய நிறுவனமாகும். இந்த நிறுவனம் தமிழகம் முழுவதும் பால் உற்பத்தி, கொள்முதல், பதப்படுத்தல், குளிரூட்டல் மற்றும் விற்பனை செயல்முறைகளை மேற்கொண்டு, மக்களுக்கு தினமும் சுத்தமான மற்றும் தரமான பால் மற்றும் பால்வளத் தயாரிப்புகளை வழங்கி வருகிறது.
இந்நிலையில், ஆவின் பால் டிப்போகள் தொடர்பாக ஒரு முக்கிய தகவல் வெளியாகியுள்ளது. சென்னையில் பால் பாக்கெட் விற்பனை அதிகரித்து, ஆவின் சந்தை விரிவடைந்துள்ளதாக தெரிவிக்கப்பட்டுள்ளது. இதை தொடர்ந்து, அடுத்த 5 ஆண்டுகளில் ஆவின் சந்தை பங்களிப்பை 65% ஆக அதிகரிக்க நடவடிக்கை எடுக்கப்படும் என பால்வளத் துறை கொள்கை விளக்கக் குறிப்பில் தெரிவிக்கப்பட்டுள்ளது.
இதனைச் சாதிக்க, தினசரி பால் கொள்முதல் அளவை 50 லட்சம் லிட்டராக உயர்த்த திட்டமிடப்பட்டுள்ளது. இந்த வளர்ச்சியை மேம்படுத்தும் முயற்சிகளின் ஒரு பகுதியாக, சென்னை மாதவரம் பகுதியில் புதிய பால் பண்ணை அமைக்கப்பட உள்ளது. இந்த பண்ணை மார்ச் 2026 ஆம் ஆண்டிற்குள் செயல்பாட்டிற்கு கொண்டு வரப்படும் என அதிகாரப்பூர்வ தகவல்கள் தெரிவிக்கின்றன.
இந்த நடவடிக்கைகள், ஆவின் நிறுவனத்தின் வளர்ச்சியை மட்டுமல்லாமல், மக்களுக்கு தரமான பால் கிடைப்பதை உறுதி செய்யவும், தமிழ்நாட்டில் பால்வளத் துறையின் வளர்ச்சியை மேலும் தூண்டவும் உதவும் என்பதில் எந்தவிதமான சந்தேகமும் இல்லை.
Also Read: TNPSC அறிவித்துள்ள முக்கிய அறிவிப்பு || பணம் செலுத்தும் முறையில் மாற்றம் || முழு விவரங்களுடன்..!
